37
Иселеничките Литературни средби во Струмица започнаа со посета на Саемот на книгата каде градоначалникот Петар Јанков во своето поздравно обраќање им посака добредојде и успешни средби на писателите од иселеништво.
Согласно програмата, во попладневните часови во амфитеатарот во Градскиот парк се одржа литературно читање каде наизменично читаа писатели од иселеништво и писатели од Струмица. Настанот го водеа Билјана Костова од Агенцијата за иселеништво и Ирена Бабамова Стојчева од Струмица.
Во вечерните часови литературните творци од иселеништво имаа можност да се претстават, да разменат искуства и пишани дела, и да развијат нови пријателства по перо.
Главна тема беше љубовта кон татковината, кон мајчиниот македонски јазик и мотивот за творење на истиот.
