Во организација на Агенцијата за иселеништво од утре ќе започне Иселеничкиот фолклорен фестивал во Охрид и Струга на кој учество ќе земат 150 играорци од шест фолклорни групи од иселеништво и тоа:
КУД „Македонка” од Виена, Австрија, МКД „Св.Кирил и Методиј” од Крањ, Словенија, МКД „Охридски бисери” од Нова Горица, Словенија, Ансамбл „Сонце” од Крајова, Романија, МКД „Браќа Миладиновци „Осиек, Хрватска, и КУД „Разиграна Македонка” од Квинбијан, Австралија.
Преку изведба на македонски традиционални песни и ора, македонските фолклорни друштва од иселеништво ќе покажат како ја чуваат и негуваат македонската култура и традиција во државите каде живеат и работат. Концертите ќе се одржат на 4 јули во Охрид и 5 јули во Струга.
За време на престојот играорците ќе имаат организирани екскурзии и работилници од областа на фолклорот.
