Home Иселенички СтраниЕвропа ДЕН НА МАКЕДОНСКАТА ПОЕЗИЈА ВО ШВЕДСКА

ДЕН НА МАКЕДОНСКАТА ПОЕЗИЈА ВО ШВЕДСКА

by Марко Стоименовски
21 views

Директорот на Агенцијата за иселеништво, Слободан Близнаковски, во придружба на Симона Јанев, соработник на директорот, присуствуваа на  традиционалната поетска манифестација „Ден на македонската поезија“ во Шведска, која се одржа на 7 октомври 2023 година, со почеток во 17:00 во Стокхолм.

Настанот се одржа во малата сала на домаќините, друштвото „Даме Груев“ од Стокхолм, под покровителство на Македонскиот сојуз во Шведска.

Директорот Близнаковски се обрати со поздравен говор и ги информира присутните за активностите на Агенцијата за иселеништво преку кои дава поддршка на писателите кои живеат и творат во иселеништво на македонски јазик како: „Поетските иселенички средби“, печатење и промоции на дела од иселници, доделување на наградата „Стојан Христов“ за најдобра книга поезија од иселеник, во рамки на Струшките вечери на поезијата и друго.

Во програмата учествуваа ученици и десетина поети од поетското друштво „Дениција“ кои рецитираа стихови од познати македонски поети.

Покрај претставници од Агенцијата за иселеништво и од Амбасадата на Република Северна Македонија во Шведска, гостин од Македонија беше и  поетесата и литературен критичар Даниела Андоновска-Трајковска, која е  професор по литература и уредник на неколку книжевни списанија.

Дополнително прочитај и за:

Агенцијата за иселеништво ги врши работите што се однесуваат на положбата и правата на иселениците од Македонија

Последни вести

© 2024 – Сите права се задржани | Агенција за иселеништво

Почитувани, заради подобро корисничко искуство, Агенцијата за иселеништво користи „колачиња“ ("cookies"). Се согласувам Прочитај повеќе

error: Content is protected !!