9
ВО ЏИЛОНГ БЕШЕ ОДБЕЛЕЖАН ИЛИНДЕН
Во неделата, на 2 август 2026 година, македонската православна заедница при храмот „Св. Јован Крстител“ во Џилонг молитвено и достоинствено го одбележа големиот празник Свети пророк Илија – Илинден, еден од најзначајните духовни и национални празници на македонскиот народ.
Прославата започна со Света Божествена Литургија, отслужена од отецот Гаврил (Галев), на која присуствуваа бројни верници, обединети во молитва и благодарност кон Бога.
На светата богослужба, беше прочитано Илинденското послание на Неговото Блаженство, Архиепископот Охридски и Македонски г.г. Стефан, преку кое беа упатени силни пораки за единство, вера, љубов кон татковината и зачувување на духовното и националното наследство на македонскиот народ.
Во продолжение беше отслужен помен за сите паднати херои и борци за слободата на Македонија, по што присутните положија цвеќе пред споменикот на Гоце Делчев, оддавајќи им благодарност и вечен спомен на сите кои своите животи ги вградија во борбата за слободна Македонија.
Овогодишната прослава беше збогатена со присуството на голем број македонски семејства, а особена радост претставуваше учеството на најмладите, облечени во македонски народни носии, кои уште еднаш покажаа дека љубовта кон верата, татковината и традицијата продолжува да се пренесува од генерација на генерација.
По завршувањето на официјалниот дел од чествувањето, присутните се собраа на заедничко дружење во црковната сала, каде во духот на братската љубов и заедништво го продолжија одбележувањето на големиот празник.
Нека Господ, по молитвите на Светиот пророк Илија, ја благословува македонската заедница во Џилонг и ширум Австралија, а споменот на илинденските херои нека остане вечен во срцата на сите Македонци.
Вечна им слава на илинденците!
Честит и благословен Илинден!
///
ILINDEN SOLEMNLY COMMEMORATED IN GEELONG
On Sunday, 2 August 2026, the Macedonian Orthodox community at St John the Baptist Church in Geelong prayerfully and solemnly commemorated the great Feast of Saint Elijah (Sveti Ilija) – Ilinden, one of the most significant spiritual and national celebrations of the Macedonian people.
The celebration commenced with the Holy Divine Liturgy, celebrated by Father Gavril Galev, with a large number of faithful gathered in prayer and thanksgiving to God.
During the Divine Liturgy, the Ilinden Message of His Beatitude, Archbishop of Ohrid and Macedonia, H.B. Stefan, was read, conveying powerful messages of unity, faith, love for our homeland, and the preservation of the Macedonian people’s spiritual and national heritage.
Following the Divine Liturgy, a Memorial Service (Panikhida) was offered for all the fallen heroes and freedom fighters of Macedonia. Those present then laid flowers at the Goce Delčev Memorial, paying tribute and offering eternal remembrance to all who gave their lives in the struggle for a free Macedonia.
This year’s commemoration was enriched by the presence of many Macedonian families, while the participation of the youngest members of the community, proudly dressed in traditional Macedonian national costume, brought particular joy. Once again, they demonstrated that love for our faith, homeland, and traditions continues to be faithfully passed on from one generation to the next.
Following the official programme, the faithful gathered for fellowship in the church hall, where they continued the celebration in a spirit of Christian love, unity, and community.
May the Lord, through the prayers of Saint Elijah the Prophet, continue to bless the Macedonian community in Geelong and throughout Australia, and may the memory of the Ilinden heroes remain eternal in the hearts of all Macedonians.
Memory Eternal to the Heroes of Ilinden!
May you all have a blessed and joyful Feast of Ilinden!
