Вечер на пријателство – Лирски мелодии за глас, тромбон и клавир

Со лирските мелодии за глас, тромбон и клавир, со своите извонредни таленти, музички сензибилитет и знаење нашите музичари ги изразија своите чувства и цврстината и довербата кои го отсликуваат хрватско-македонското пријателство и соработка.

Дамијан Каранфилов – баритон по завршувањето на студиите на Универзитетот во Скопје и магистратура на Универзитетот на Флорида, настапувал како солист со Македонската филхармонија и со оркестарот на Македонската опера и балет. Од неодамна Дамијан Каранфилов е член на хорот на Хрватското Народно Казалиште во Загреб.

Марио Јанковиќ – тромбонист исто така е македонски музичар. Дипломирал на Музичката академија во Загреб, а свирењето на тромбон го усовршувал кај еминентни професори. Учествувал на бројни концерти, има безброј настапи и добитник е на значајни награди. Бил стипендист на Загрепската филхармонија, а сега е член на Симфонискиот оркестар на Хрватската Радио Телевизија.

Томислав Маргета е учител по клавир и корепетитор во Основното музичко училиште „Иван Зајц” во Загреб. Дипломирал на Музичката академија во Загреб, постдипломски студии завршил во Љубљана и дополнително се школувал кај угледни мајстори на музичката уметност.