Dje, me nderin dhe krenarinë më të madhe, pata privilegjin të kalojmë një pasdite të paharruar në qytetin piktoresk të Luzernit, pranë një figure të rrallë të dijes dhe shpirtit kombëtar – Prof. Dr. Agron Xhagolli.
Mes pamjeve magjepsëse të këtij qyteti alpin, u ndalëm në një bisedë të thellë e frymëzuese për kauzën shqiptare, për hulumtimet shkencore mbi vallet tona autoktone, për tekstet e këngëve popullore, folklorin e pasur shqiptar, fjalët e urta, prozën dhe thesaret shpirtërore që na bëjnë krenarë për identitetin tonë.
Më pas, me ftesë të Shoqatës Kulturore “Kërçova – Zvicër”, me kryetar z. Resul Mehmedi, morëm pjesë në një mbrëmje të jashtëzakonshme në odën Kërçovare – një vatër ku gjallëron kujtesa, bujaria dhe kënga.
Mysafiri i respektuar z. Osman Adili nga vendlindja, ish-kryetari Begzat Limani, Sadin Emini, Shpëtim Pasholli, Gazmend Limani, si dhe antarët e kryesisë: Bukurim Xhaferri, Dehar dhe Fatlind Sadiku, afaristi Kastriot Iseni, si dhe të pranishmit nga oda: Argjend Lika, Muarem Aliu, Ismail Emini, Mehmet Çupi e Bashkim Baftiri, që isha i nderuar që i takova dhe e bënë mbrëmjen edhe më të ngrohtë.
E siç e do zakoni i vjetër shqiptar, pas çajit dhe muhabetit të odës, ja nisën këngës deri në orët e vona të natës, duke mbajtur gjallë trashëgiminë tonë shpirtërore.
Faleminderit nga zemra Shoqatës “Kërçova – Zvicër” dhe odës Kërçovare me gjithë stafin e saj për mikpritjen e ngrohtë dhe organizimin shembullor.
Shkruar nga Florim Useini
