Свечено затворање на манифестацијата ,,Гоцеви денови” која по 16 пат се одржа во Врање, во организација на здружението ,,Гоце Делчев” Пчињски округ -Врање на 04.05.2025.год.и под покровителство на Македонскиот национален совет. Доделени се златни плакети, благодарници и дипломи на учениците кои учествуваа на конкурсот, распишан на 4 февруари, со цртежи, песни, состави и видео материјали инспирирани од ликот и делото на македонскиот славен херој, како и на нивните ментори/наставници од основните и средни училишта од Србија и Македонија.
– Го чуваме, почитуваме и промовираме ликот и делото на нашиот најголем револуционер Гоце Делчев. На тој начин, не ја чуваме само нашата историја и традиција, туку и нашиот национален идентитет со сите негови елементи и обезбедуваме иднина на овие простори.
Неговите цитати засекогаш останаа како наш потсетник :
„Јас не познавам друг народ кој повеќе страдал од предавствата на своите синови – изроди како македонскиот. Историјата не памети друг таков пример кога еден ист народ по традиција, јазик и вера се разделува на разни спротивни страни, една од друга потуѓа.“
„Дали може да има друго место за еден Македонец, освен Македонија? Дали има народ понесреќен од македонскиот? И дали има некаде пошироко поле за работа, отколку во Македонија?“
„Јас го разбирам светот како поле за културен натпревар меѓу народите.“
Учество во меѓународната манифестација ,,Гоцеви денови, ,- 2025 земаа ученици од :
Р.Србија :
1.ОШ. „Гоце Делчев“ – Јабука
2.ОШ. „Вук Караџиќ“ – Врање
3.ОШ. „Предраг Девеџиќ“ – В.Бања
4.ОШ. „Јован Јовановиќ Змај“- Врање
Македонија :
1.ООУ „Лирија“ -Тетово
2.ООУ „11.Октомври“ – Скопје
3.ООУ „Лазо Ангеловски“ – Скопје
4.ООУ „Даме Груев“ – Св.Николе
5.ООУ „Страшо Пинџур“ – Неготино
6.ООУ „Кирил Пејкиновиќ“ – Скопје
7.ООУ „Љубен Лапе“ – Скопје
8.СУГС „Раде Јовчевски-Корчагин“ – Скопје
9.Општинска установа Матична библиотека „Кочо Рацин“ – Пехчево
Голема благодарност до сите учесници ,ментори се гледаме на идната манифестација.
