75
Во саботата, на 6 јуни 2026 година, членовите, пријателите и поддржувачите на „Macedonian Orthodox Youth NSW“ (MOY NSW) свечено ја одбележаа втората годишнина од постоењето и дејствувањето на организацијата.
Вечерта помина во духот на молитвата, христијанското заедништво и братската љубов. Преку заедничките разговори, новите и обновените пријателства, пригодните обраќања, музиката и радоста што ја споделија присутните, уште еднаш се потврди значењето на оваа младинска организација во животот на Македонската Православна Црква во Австралија.
Особена благодарност беше упатена до парохискиот свештеник о. Владо за неговата духовна поддршка и грижа, како и до сите спонзори, добротвори, волонтери, изведувачи и гости кои придонесоа овој настан да биде успешно организиран и достоен за одбележување.
Радува фактот што сè поголем број млади луѓе се собираат околу Христа и Неговата Црква, градејќи искрени пријателства и заедница заснована врз верата, љубовта и меѓусебната почит. Токму таквото единство претставува поттик и надеж за иднината на нашите црковни заедници.
Благодарни за сето она што е постигнато во изминатите две години, членовите на MOY NSW со надеж и ентузијазам гледаат кон иднината, продолжувајќи ја својата мисија на духовно растење, служење и сведочење на православната вера меѓу младите.
„Ете, колку е добро и колку е мило кога браќата живеат заедно!“ (Псалм 132, 1)
Слава Му на Бога за сѐ!
//////
CELEBRATING THE SECOND ANNIVERSARY OF MACEDONIAN ORTHODOX YOUTH NSW (MOY NSW) – “UNITED IN CHRIST”
On Saturday, 6 June 2026, the members, friends, and supporters of Macedonian Orthodox Youth NSW (MOY NSW) gathered to celebrate the second anniversary of the organisation’s establishment and ministry.
“Behold, how good and pleasant it is when brethren dwell together in unity!” (Psalm 133:1)
Glory to God for all things!
