ПРАЗНУВАЊЕ НА ПАТРОНОТ НА НАШАТА ЦРКВА И РУЧЕК ВО ЧЕСТ НА СВЕТИ НИКОЛА ЧУДОТВОРЕЦ, АРХИЕПИСКОП МИРЛИКИСКИ 20 декември 2025

● На 19ти декември во Македонската Православна Црква Свети Никола на Ангове Ст, Отец Стојан Пешовски отслужи Света Божествена Литургија на која верниците се причестија со Светите Христови дарови. Ланските кумови Митко и Зорица Граматикови и новите кумови Стојмир и Трена Спасески го прекршија славниот колач, а на крајот се прекршија и славските колачи (нафори) на верниците за здравје и спасение на сите нив.

● На 20ти декември се одржа традиционалната прослава за храмовиот празник со посен Свети-Николски ручек.

Црковната Управа при Македонската Православна Црковна Општина “Свети Никола” со парохискиот свештеник отец Стојан Пешовски изразува голема благодарност до семејството на Митко и Зорица Граматикови, минатогодишните кумови, за нивната донација за денешниот безпрекорно организираниот традиционален ручек во Македонскиот Културен Центар “Илинден”, во чест на Свети Никола. Исто така, голема благодарност и до верниците за нивната присутност и нивните донации и до Управата на МКЦ “Илинден” за отстапените простории.

Целиот приход од ручекот е наменет за опремување на новата Црква на 69 Angove St, North Perth.

Испраќаме срдечни поздрави и до новите кумови Стојмир и Трена Спасески со желба за среќа, радост и се најдобро во нивниот дом.