Агенцијата за иселеништво со особено задоволство ја поддржа промоцијата и издавањето на седмата стихозбирка „Шарени дијаманти“ од авторот Наум Трајчески, чија светлина блесна токму на големиот национален и верски празник – Илинден, 2025 година.
Директорот на Агенцијата за иселеништво, г. Горан Ангелов, и раководителката за врски, г-ѓа Билјана Костова, ја истакнаа својата посветеност во поддршката на културни проекти што го негуваат македонскиот идентитет и духовност и ја одржуваат силната врска со иселеништвото.
Во изјавата по повод излегувањето на книгата, авторот Наум Трајчески истакна:
„Голема благодарност до Агенцијата за иселеништво што ми излегоа во пресрет и ми дадоа поддршка да блеснат дијамантските страници од мојата седма стихозбирка ,Шарени дијаманти’. Голема благодарност и до печатницата ,Графо Пром’ – Битола, како и до сите што помогнаа и зедоа учество за да се реализира овој проект. На сите ви останувам благодарен за вашата несебична помош.“
Агенцијата за иселеништво ќе продолжи да биде поддржувач и партнер на културни иницијативи што ја претставуваат Македонија во вистинско светло, како дома така и пред македонската дијаспора ширум светот.
