45-годишен јубилеј одбележа манифестацијата „Ден на македонска култура во Шведска“ на 17 Мај 2025 во Гетеборг.
Покровител е Македонскиот сојуз, а организацијата оваа година е на друштвото ,,Гоце Делчев” од Гетеборг.
На настанот настапија фолклорните секции на друштвото-домаќин, деца и младинци кои рецитираа детска и современа македонска поезија, музички изведби од богатото македонско музичко наследство од талентирани ученици од основно и средно образование, како и презентација на роман од авторката Лилјана Ѓоршевска-Ивановска.
Настанот беше збогатен со мини саем на книга на македонски јазик и ликовна изложба од талентиран ученик во 9 одд., Јован Пешевски.
