10
Денес директорот на Агенцијата за иселеништво, Горан Ангелов, оствари средба со поранешниот државен јавен обвинител на Република Македонија, Ставре Џиков, публицист – автор на повеќе книги и претседател на Советот за иселеништво од 1999 – 2002, тело формирано во рамки на Министерството за иселеништво.
На средбата г-дин Џиков на директорот Ангелов му подари избор од свои изданија на книги и го информира за функционирањето на Советот кога тој раководел со истиот.
Директорот Ангелов го информира за состојбите и надлежностите на Агенцијата за иселеништво и му се заблагодари за споделеното искуство во проблематиката со желби за понатамошна соработка.
