На покана на пратеникот Армин Хоџиќ денес, како наставнички по македонски јазик, имавме чест да учествуваме на работна средба во Хрватскиот сабор и да изразиме искрена благодарност за континуираната и силна поддршка во областа на образованието што ни ја обезбедува Република Хрватска.
Особено ја истакнавме важноста на поддршката што со години ја добиваме за реализација на наставата по македонски јазик и култура по Модел Ц, која континуирано се изведува веќе 21 година. Овој вид настава им овозможува на учениците да го зачуваат мајчиниот јазик, да го негуваат сопствениот културен идентитет и да развиваат чувство на припадност и меѓусебна почит во мултикултурно општество.
Упатуваме искрена благодарност до господин Армин Хоџиќ и хрватските институции за укажаната чест и можност. Веруваме дека ваквите средби придонесуваат за понатамошно зајакнување на меѓусебната соработка, почит и разбирање.
