Љубителите на македонската култура имаат причина за радост. Почнувајќи од понеделник, 26 мај, македонската заедница во Џилонг ги поканува сите деца од 4 години да се приклучат на единствена 5-неделна програма посветена на македонскиот народен танц, песна и културна традиција.
Програмата „Чекориме во ритамот!“ е внимателно осмислена за најмладите и има за цел преку игра, музика и движење да ги приближи децата до богатото македонско културно наследство. Во текот на петте недели децата ќе научат да ја изведуваат песната „Едно име имаме“, ќе се запознаат со броевите од 1 до 20 на македонски јазик, ќе се запознаат со ритамот и ќе ги учат движењата преку едукативни игри и музики, ќе вежбаат сценски настап и ќе развиваат културна гордост. Освен ова, ќе облечат и традиционални носии, а ќе настапат со мини концерт и завршна забава.
Активностите започнуваат во понеделник, на 26 мај, во Македонскиот дом во Џилонг, а ќе траат до 30 јуни, кога ќе се одржат мини концертот и завршната забава. За втората недела, децата треба да донесат и свој инструмент. За повеќе информации, обратете се до организаторите.
Наставата ќе се одвива во пријатна и поддржувачка средина, каде се негуваат тимскиот дух, почитта и чувството на заедништво. Родителите се охрабрени да бидат дел од програмата и да ги поддржат своите млади уметници. Оваа програма не само што ќе ги забавува децата, туку и ќе помогне во зачувување на македонската традиција и идентитет во дијаспората.
