Минатите сабота и недела (14-15 септември) се одржа Македонскиот куп во Викторија. Домаќин на настанот оваа година беше Лајло Јунајтед Слога. На него учество зедоа екипите на: Престон Македонија, Алтона Маџик Вардар, Сиднам Парк Македонија, Џилонг Македонија, Пленти Вали Лајонс, Кило Волци, Шепартон Македонија и домаќинот Лајло Јунајтед Слога.
Финалните средби се одржаа во неделата и во нив најуспешни беа екипите на Престон Македонија кои ги освоија пехарите со првиот тим во машка конкуренција но и со женската екипа. Сиднам Парк Македонија беше најуспешен со подмладокот и во финалето ја совладаа Алтона Маџик Вардар со 1:0. Кај ветераните победи екипата на Шепартон Македонија која играше нерешено со Сиднам Парк Македонија но беше поуспешна на изведувањето пенали.
