11
Во неделата пред Илинден и патрониот празник на црквата „Свети Илија“, во прекрасниот црковен парк во Мисисага се одржа традиционалниот Илинденски пикник – настан исполнет со радост, заедништво и македонски дух.
Прекрасното сончево време, мирисот на скара, освежителни пијалаци, домашни колачи, македонски ајвар и сочно приготвени ќебапи создадоа вистинска атмосфера на македонско славење.
Претседателот на црковниот одбор, г. Васко Недановски, заедно со целата управа, организираше извонреден пикник, збогатен со жива музика од групата Balkan Entertainment, која се погрижи за доброто расположение.
Женската секција, под водство на вредната Данка Тасеска, приготви слатки и солени специјалитети, кои беа вистинско уживање за сите посетители.
На 2 Август, на големиот празник Илинден, во црквата „Свети Илија“ ќе се одржи празнична литургија под раководство на отец Благој Пенев.
Кумот на црковниот празник, г. Трајче Јанакиевски, ве поканува на заеднички ручек по завршувањето на литургијата.
За многу години!
