Македонската гајда, еден од најпрепознатливите народни музички инструменти, доби светско признание како нематеријално културно наследство. Одлуката беше донесена на 19. седница на Меѓувладиниот комитет на УНЕСКО, одржана во Асунсион, Парагвај.
„Изработката и свирењето на гајдата ја промовираат солидарноста и културниот идентитет, служат како мост помеѓу генерациите и поттикнуваат меѓународна соработка“, се наведува во Одлуката за впишување.
Со впишувањето на гајдата, Македонија сега има шест впишани добра, од кои две се заеднички со Турција. Признанието отвора нови можности за заштита, промоција и зачувување на ова културно богатство за идните генерации.
Прочитајте повеќе за ова: Гајдата впишана на листата на УНЕСКО како светско културно наследство – Рацин.мк
