Со паралелни активности во Скопје и Париз неделава што измина, беа одбележани 135 години од раѓањето и 94 години од смртта на д-р Анастас Коцарев, светски познатиот онколог од македонско потекло роден во Охрид, кој почива во Париз.
Главниот настан се одржа во Скопје, во Музејот на македонската борба за самостојност, во средата, на 26 март, на неговиот 135 роденден, пред претставници на политичкиот, академскиот и дипломатскиот врв во земјата.
Настанот беше во организација на Здружението „Заборавени Македонци“ од Париз, во партнерство со Музејот на македонската борба за самостојност од Скопје, и беше модериран од двајцата потпретседатели на здружението, Ана Дукоска и Георги Гоце Дуртаноски.
Програмата започна со едноминутен молк во почит кон жртвите од трагедијата во Кочани.
Повеќе за настаните прочитајте овде: Во Скопје и Париз одбележан јубилејот 135 години од раѓањето на д-р Анастас Коцарев – МКД.МК
