Во Салцбург официјално се одржа ПРВИОТ ЧАС ПО МАКЕДОНСКИ ЈАЗИК!

Повеќе од дваесет деца веќе се пријавени и денес присуствуваа на јазично-креативните часови, поделени во две различни групи. Насмевки, љубопитност и детската енергија ја исполнија просторијата.

Целта на овој јазично-креативен клуб е македонските деца кои живеат во Салцбург да се описменат на македонски јазик, да научат да читаат и пишуваат кирилица, да ги поттикнеме да размислуваат, зборуваат и творат на својот мајчин јазик.

Преку игра, креативни активности и дружење ќе учиме повеќе за нашата татковина, за нејзините културни и природни знаменитости, вредности, празници и обичаи. Ќе негуваме љубов кон македонскиот јазик и традиција, а истовремено ќе поттикнуваме развој на таленти, самодоверба и креативно изразување кај секое дете.

Ова е само почеток на една убава приказна, приказна што ќе расте заедно со нашите деца, со нивните знаења, соништа и успеси.

Да ни е честит и долговечен почетокот!