Andi Ismaili shpallet fitues në Kampionatin Evropian të baletit modern

0
35

Andi Ismaili e fitoi vendin e parë në Kampionatin Evropian të baletit modern

Andi Ismaili nga Gostivari, 13 vjeç, vazhdon me arritjet e tij në baletin modern. Ai fitoi titullin Kampion Evropian mbrëmë në garat, të cilat u mbajtën në Shkup, përcjell albinfo.ch.

Thuhet se në këtë garë morën pjesë 2000 valltarë nga 22 vende nga Unioni Evropian. Në mesin e mijëra valltarëve, Andi, 14-vjeçar nga Gostivari, arriti të fitojë garën në baletin modern, duke e marrë vendin e parë.

Andi është nxënës në shkollën fillore “Goce Dellçev” në Gostivar. Ka katër vjet që kërcen dhe po aq kohë është anëtar i studios së kërcimit iDance. Baletin modern, për herë të parë e ka takuar në rrjetet sociale.

Përveç Andit, i cili korri sukses, ishte edhe Natasha Trendafillova, e cila mori vendin e parë në baletin modern në kategorinë e moshës më të madhe si dhe Luka nga Probishtipi arriti të marrë vendin e tretë. /Portalb.mk