Zvicër/ Hapet shkolla e gjuhës shqipe në Siebnen

0
49

“Shkolla Shqipe” në Zvicër ka çelur klasën e saj më të re për mësimin e gjuhës shqipe në Siebnen të Kantonit të Schëyz-it!

“Të hënën e kaluar, më 22 nëntor 2021, Ditën e  Alfabetit, qyteza Siebnen në Kantonin e Shëyz-it kishte festë të dyfishtë. Festën e Alfabetit shqip dhe hapjen e shkollës shqipe. “Shkolla Shqipe” në Zvicër hapi dyert e shkollës së saj duke ju bërë ftesë prindërve shqiptarë që t`i dërgojnë fëmijët e tyre për ta mësuar gjuhën amtare. Dhe natyrisht gëzimi ishte i papërshkrueshëm” thotë për “Diaspora Shqiptare” mësuesi dhe koordinatori i saj, mësuesi Vaxhid Sejdiu.

Shkolla Shqipe në Zvicër, ashtu siç ka paralajmëruar do të vazhdojë përpjekjet për hapjen e shkollave të tjera. Dhe një gjë e tillë po bëhet realitet nga java në javë. Dhjetëra e dhjetëra shkolla janë hapur deri më tani si dhe dhjetëra të tjera janë në rrugë të mbarë që të hapen në javët në vazhdim. Prandaj prindër të nderuar shpejtoni që t`i regjistroni fëmijët tuaj. Shkolla Shqipe në Zvicër, tani më shtrihet në mbarë Zvicrën, duke punuar me përkushtim prindër dhe mësues. Adresa kontaktuese është Vaxhid Sejdiu, tel. 0041 76 321 26 94 apo në emal adresën: vaxhid_sejdiu@hotmail.com