Македонското литературно друштво „Григор Прличев“ од Сиднеј кое активно делува со својата истоимена библиотека од 1978 година, одлучи по пауза од 30 години повторно да го издава списанието „Повод“ кое е наменето за литература, култура, историја и општествени прашања. Се издадоа 54 броеви до 1990 година и ова списание претставуваше орган на друштвото кое одигруваше важна улога во негувањето на македонскиот литературен јазик и култура во Австралија при што ги поттикнуваше своите членови да творат и издаваат свои дела и да го промовираат својот идентитет и нација. Се надеваме дека ќе продолжиме со ова мисионерска работа. Издавањето е помогнато со дотација од оштината Вayside Сouncil (поранешен Rockdale City Council) која е збратимена со Битола). Минатата година градоначалникот Јoe Аwada ги покани Иван Трпоски и Душан Ристевски лично да ги запознае при што им додели Благодарница за наградениот проект, при што забележа дека: „списанието успешно ќе го промовира македонскиот јазик, култура и Македонската заедница во мултикултурна Австралија“. Се планира списанието „Повод“ да се издава двојазично во печатена и електронска форма и да се дистрибутира меѓу членовите, љубителите на пишаниот збор и воопшто во Македонската заедница.
