Во просториите на Друштвото на писатели на Македонија, а во организација на Агенцијата за иселеништво на ден 13.06. 2022 година се одржа промоција на четири книги: „Одмрзнати чувства”, „Неостварена љубов”, „Магични љубовни зборови” и „ Лавиринт на вистината” на писателката Оливера Јовановска од Австралија.
Г-ѓа Лилјана Стоилковска и проф. Васил Тоциновски се обратија како промотори на овој настан и посочија дека создавањето на литературни дела во дијаспората се од клучно значење за зачувување на македонски јазик, а со тоа промоција на земјата.
Директорот на Агенцијата за иселеништво, г-дин Слободан Близнаковски се заблагодари на присутните и посочи дека и во иднина Агенцијата ќе го поддржува создавањето на литературни дела во делот на нивната промоција.
