Почитувана г-ѓа Емилија Стојменова Дух,
Ми претставува чест и задоволство од мое име и од името на вработените во Агенцијата за иселеништво, да Ви го честитам учеството на изборите во Република Словенија и Вашиот избор, како министер за дигитализација во Словенечката Влада. Изборот на министер во Владата на Република Словенија, претставува успех за Вас, и за целокупната македонска заедница која живее, работи и создава во Словенија.
Силно веруваме дека Вашето искуство и знаење, како и ангажираноста во новото професионално поглавје, ќе донесе голем број на позитивни резултати, а македонската зедница во Република Словенија, во иднина ќе има силен сојузник и поддржувач во претставувањето и афирмацијата на истата, а Република Северна Македонија ќе има сограѓанин кој достојно ќе ја претставува надвор од границите.
Агенцијата за иселеништво, во иднина останува отворена за соработка и поддршка со сите оние кои имаат за цел да претставуваат македонската традиција, култура, јазик и историја, надвор од границите на својата земја.
Ви посакуваме успех во идното работење и создавање на позитивни резултати кои ќе бидат во духот на потребите на сите граѓани во Република Словенија.
Со почит,
Директор на Агенцијата за иселеништво,
Г-дин Слободан Близнаковски
