АНГЕЛИНА БУЛЕСКА ЌЕ БИДЕ ПРВА МАКЕДОНСКА ПРЕТСТАВНИЧКА НА МЕЃУНАРОДЕН НАТПРЕВАР ВО ГИМНАСТИКА НА КОЊ

0
129

Македонија првпат ќе има претставник на едно меѓународно натпреварување во гимнастика на коњ, благодарение на учеството на 13-годишната Ангелина Булеска на ЦВИ Гроте-Брогел во Белгија. Ова натпреварување ќе се одржи од 22 до 24 април, а покрај Македонија, ќе настапат уште десет држави, меѓу кои и САД, Германија, Велика Британија и Јужна Африкa.

Булеска ќе се натпреварува во поединечна конкуренција за деца до 14 години, а ќе ја води холандскиот тренер Мета Јанс.

Таа е единствената во Македонија која се занимава со волтажирање, односно акробатско јавање коњ, спортска дисциплина за која нема соодветни услови кај нас, па тренира и во Холандија.