Прослава на Водици во МПЦ „Свети Илија“ во Мисисага

0
177
Јануари 19, по повод празникот БОГОЈАВЛЕНИЕ, ќе се служи Божествена Литургија, а потоа ке се изврши Голем Богојавленски водосвет. Дојдете да си земете Богојавленска вода.

КРШТЕВАЊЕТО НА НАШИОТ ГОСПОД ИСУС ХРИСТОС
Богојавление, Манифестација Божја, го означува празникот кога преку Крштевањето Христово му се објави на светот Пресвета Троица (Мт 3,13-17; Мк 1,9-11; Лука 3,21-22). Така, Бог Отецот зборуваше од небото за Синот, Синот беше крстен од светиот Јован Претеча, а Светиот Дух слезе врз Синот во вид на гулаб.
Од античко време овој празник се нарекувал Ден на просветлување и празник на светлината, бидејќи Бог е Светлина и се појавил за да ги осветли „оние што седат во темнината и во сенката на смртта“ (Мт 4:16) и да го спаси преку благодатта паднатото човештво.
Празникот Богојавление е од апостолско време.
На денот на Крштевањето Христово, Светата Црква ја потврдува нашата вера во највозвишената Тајна – Трите Лица на Едниот Бог – СВЕТА ТРОИЦА. Уште Црквата нè учи да ја исповедаме и да ја прославиме и почитуваме Светата Троица како Едносуштина и Неразделна.

Освен ова Црквата ја покажува неопходноста од крштевањето за верниците во Христа и ни вдахнува чувство на длабока благодарност за просветлувањето и очистувањето на нашата грешна природа. Црквата учи дека нашето спасение и очистување од гревот е можно само со силата на благодатта на Светиот Дух, затоа е неопходно достојно да се зачуваат овие дарови на благодатта на светото Крштение – чувајќи ја чиста оваа бесценета облека, за која празникот Крштение ни кажува: „Оние кои се крстија во Христа, во Христа се облекоа“ (Гал. 3:27).