Директорот на Агенцијата за иселеништво Слободан Близнаковски оствари работна средба со г-дин Невен Дарковски, управител на Хотел Епинал, Битола, инвестиција од страна на македонска компанија од Австралија, на 1 јули 2021 година

0
123

Г-динот Невен Дарковски како управител на фирмата ДОО Македонија, на средбата информираше дека за сега се задоволни и визијата е постигната. Хотел Епинал во Битола, претставува успешен, позитивен пример  за иселеничка инвестиција и поттик за инвестирање од страна на наши иселеници.

Инвеститор е македонска компанија МАКЕДОНИЈА ПТИ ЛТД  со седиште во Австралија, чија крајната цел е имплементација на светски стандарди за туристичка дејност и надополнување на содржините со спортски бар и пивница, модерен СПА центар во кој ќе уживаат не само странските гости туку и самите битолчани.

Епинал е  општествено одговорна компанија во сите домени на опшественот живеење, еколошки одговорна компанија која ги користи обновливите извори на енергија, грижа за околината ,за своите вработени и највисоки стандарди за квалитет во своето работење.

Поради доброто искуство, од страна на инвеститорите се планира да се прошират инвестициите.

Директорот Близнаковски се заблагодари за средбата и информираше дека целта е да се врати довербата кај иселениците во институциите на државата и  верува дека примерот за успехот на „Епинал“ ќе биде поттик и за други инвеститори со намера да ги пренесат своите бизниси и искуства во општините од каде потекнуват.